tg-me.com/laeileialanin2/3180
Last Update:
#نعي في #جرح مولانا أمير المؤمنين عليه السلام
● *نصاري*
*يُقرأ بأطوار النصاري وطور ( الزريجي ) :*
اباب الدار أنا وظليت أتانيه
بلكت سالم وأرجع ألاگيه
إجه بويه ويصب راسه اثاريه
واشوف احسين لن يخفي ونينه
شفته وعساها عميه لعيون
يصب دمّه ابويه انظره اشلون
شيبه امخضب ومدميه لمتون
وغده دم يصب ويلي امن ادينه
مطبور الإبو ودمه اعله عينه
وواصل جرحه يا ويلي لجبينه
وحسيت الإبو ايروح امن ادينه
ألف ويلاه يا عزنه وولينه
مطبور راسه ولونه مخطوف
ودم راسه تِرس ياويلي لچفوف
ومن كثر النزِف ما يگدر يشوف
آيمصيبه الگشره علينه
غصب يفتح اعيونه ويصد لينه
اعله حالتنه بچه وعالي ونينه
عزيزه ادموعنه اعليه وبَچینه
اويلي اعله گلبك يا علِينه
*وداوي*
أشد جرحك تمنيت وأداوي
وعليك الگلب متوجر وداوي
من نادى الملك صوته وداوي
اعْرَفت مَتعود يا بويه إليه
___
تمت بحمد الله تعالى
#فاطمة_كريم
٤ / ٢٠٢١ م
BY ليالي الأنين الثانية
Warning: Undefined variable $i in /var/www/tg-me/post.php on line 280
Share with your friend now:
tg-me.com/laeileialanin2/3180